Танчарите Аријана Дејвис, Кристал Вилијамс и Ноел Родригез ја обвинија американската пејачка Лизо (нејзиното вистинско име е Мелиса Вивијан Џеферсон) за сексуално вознемирување и создавање непријателска работна средина, пишува „Гардијан“.
Во тужбата поднесена во вторникот од Дејвис, Вилијамс и Родригез се наведува дека тие постојано биле изложени на сексуална, расна и верска злоупотреба помеѓу 2021 и 2023 година.
Тројцата тврдат дека Лизо прво критикувала една од танчАрките затоа што наводно се здебелила, потоа ја навредувала, а на крајот ја отпуштила бидејќи го снимала состанокот.
Според тужбата, Лизо наводно принудила друга танчарка да го допира голото тело на изведувач во ноќен клуб во Амстердам и подложила неколку танчари на „многу болна“ 12-часовна аудиција откако лажно ги обвинила дека пиеле алкохол на работа.
Во тужбата се наведува и дека менаџерката на танчарките на пејачката, Ширлин Квигли, ги наметнала своите христијански верувања на другите изведувачи и ги омаловажувала оние кои се впуштале во предбрачен секс. Во исто време, Квигли симулирал орален секс и зборувал за сексуални фантазии и за невиноста на една од танчарките. Лизо ги терала танчарите да ги допираат голите тела на стриптизерките во стриптиз бар.
Во тужбата не се наведува дали Лизо знаела што прави Квигли, но танчерите што ја тужат веруваат дека таа знаела за жалбите против неа.
„Начинот на кој Лизо и нејзините луѓе се однесуваа кон изведувачите е спротивно на сето она за кое Лизо јавно се залага. Приватно, таа ги малтретира танчарите за нивната тежина и ги омаловажува на нелегален и деморализирачки начин“, рекол адвокатот Рон Замбрано, кој ги застапува танчарите Аријана Дејвис, Кристал Вилијамс и Ноел Родригез.
Претставниците на пејачката не ја коментираа тужбата.
ФОТО: Јутјуб/Инстаграм
