Хашем Сафиедин, братучед на убиениот лидер на Хезболах, Хасан Насрала, наводно бил цел на голем израелски воздушен напад што го потресе Бејрут во текот на ноќта.
Како што Израел ги интензивираше нападите на јужен Бејрут, се случи една од најжестоките експлозии од 23 септември. Последователните експлозии предизвикаа тресење на зградите.
Во вестите на американската информативна платформа „Аксиос“, врз основа на тројца израелски функционери, се тврди дека цел на нападот бил Хашем Сафиедин, можниот наследник на убиениот лидер на Хезболах Хасан Насрала.
Во веста, потпишана од Барак Равид, се наведува дека се уште не се познати резултатите од нападот и дека либанските медиуми пишуваат дека израелскиот напад бил поголем од нападот во кој загина Хасан Насрала.
Од Израел се уште нема официјална потврда за нападот.
