Ние ќе бидеме на магарешка клупа како што бевме и досега, рече лидерот на Левица, Димитар Апасиев, во гостувањето во Слободен печат.
– Таман – шест души собира на последната клупа во Собранието. Сега ќе бидеме посериозни, но ние, за разлика од СДСМ, нема да бидеме конструктивна, туку деконструктивна опозиција, бидејќи планираме да го вратиме историскиот судир на левицата и десницата – истакна Апасиев.
Левица како политичка партија прва ја најави пасокизацијата на СДСМ што денес е веќе реалност, додаде тој.
– Првото полувреме заврши успешно, а тоа е пасокизацијата на СДСМ. Ова ни на сон не ни доаѓаше, дека ќе паднат под 20 пратеника, меѓутоа индициите покажуваа. Ние се надевавме и ќе бевме среќни и под 30 да паднеа, но ова е класичен дебакл. Ако ги одземете тројцата – 2 од НСДП, 1 од ЛДП – тие се практично 15. Во меѓувреме, таму може и да фрчат некои оставки од пратеници и да дојде некоја втора постава –
