Леонардо ди Каприо го опиша новиот филм на Мартин Скорсезе, „Killers Of The Flower Moon“ како ремек-дело.
Според NME, Ди Каприо глуми заедно со Роберт Де Ниро во филмот од вистинскиот живот, кој ги прикажува убиствата на Индијанците од Осаж во Оклахома во 1920-тите.
Жаклин Вест, костимографката, го откри неодамнешниот разговор што го имала со Ди Каприо за филмот на Скорсезе.
„Разговарав со Лео за тоа. Ми рече дека е убеден дека снимиле ремек дело. И неговиот збор има тежина, тој е во оваа работа уште од мали нозе“, објасни Вест.
Филмот, според некои извештаи, има буџет од повеќе од 200 милиони долари, што го прави најскапиот проект на Скорсезе досега. Иако имаше информации дека филмот ќе биде на Нетфликс, тој ќе биде објавен од Apple TV+.
