Легендарниот украински фудбалер Андриј Шевченко едвај го преживеал гранатирањето на Киев утрово од руските сили. Русија истрела 80 проектили и 12 беспилотни летала камикази кон Украина, напиша Шевченко на почетокот на својата објава на Инстаграм.
„Бев во возот и застанавме пред гранатирањето. Тие неколку часа беа како вечност. Сакам да порачам само едно, а тоа е дека никакви ракети нема да ја скршат Украина. Може да ни ги земете улиците, куќите, но не може да ни го одземете достоинството, храброста и желбата за слобода. Ќе ја заштитиме Украина. Ќе пееме по мостовите како што народот во Киев денеска пееше во метрото. Ќе се бориме додека не победиме“, гласи пораката на Шевченко, кој на својот инстаграм-профил постави видео од нападот на мостот.
