Едно од лицата што ги развеселува присутните во Париз за време на Олимписките игри е легендарниот Снуп Дог.
Американскиот рапер Снуп Дог беше една од најголемите ѕвезди на свеченото отворањето на Олимписките игри во Париз. Имено, раперот беше еден од последните носители на олимпискиот факел. Тој беше ангажиран од американската мрежа „Ен-би-си“ како ко-коментатор на Олимписките игри.
Според „Економски тајмс“, Снуп Дог наводно заработува 500.000 долари дневно и покриени му се сите трошоци, што го прави еден од најплатените поединци на Олимписките игри во Париз. Многу негови обожаватели наведуваат дека заработката е оправдана со оглед на тоа колку забава пружил.
Извршниот директор на „Ен-би-си“ наводно ја открил оваа тајна и раскажал како познатиот рапер заработува околу 500.000 долари дневно само затоа што е присутен во Париз и затоа што гo промовира на тој начин.
„Еден час со директор на „Ен-би-си“ на вечера беше доволен за да дознаеме дека Снуп добива 500.000 долари дневно плус трошоци за да биде тука за да ја промовира Олимпијадата“, рече инвеститорот Хенри Мекнамара.
Снуп досега следеше кошарка, фудбал, атлетика и мечување.
Снуп Дог веќе стана хит на социјалните мрежи, каде што многумина објавуваат видеа со него на Олимписките игри. Дог е своевидно „заштитно лице“ на годинашните Олимписки игри во Париз.
