Легендарниот пејач Мишо Ковач (82) синоќа со брза помош бил пренесен на пулмолошкото одделение во болицата во Сплит. Хрватските медиуми пренесуваат дека пејачот бил хоспитализиран со многу висока температура и дека е задржан на лекување.
– Татко ми заврши во Клиничкиот болнички центар во Сплит бидејќи имаше висока температура. Ништо сериозно. Постарите кои веќе имаат некои потешкотии како него, треба да одат во болница… Не е исто како кај нас здравите кога ќе кренеме висока температура – изјави за Вечерњи.хр ќерката на Мишо Ковач, Ивана.
Легендарниот пејач кој е на 82-годишна возраст, и лани имаше здравствени проблеми. Поради висока температура и болест го откажа настапот на дочекот на Новата година во Вуковар. Една година порано тој прележа и корона.
Мате Мишо Ковач е еден од најпознатите хрватски и југословнески музичари. Тој е најпродаваниот изведувач од Хрватска и поранешна Југославија, со над 20 милиони продадени плочи, касети и ЦД-а.
Albanian
English
Macedonian
Turkish
