Целта со изјавите за тајноста на договорот е само одвлекување на вниманието на јавноста бидејќи излезе дека се предвидени пенали кои треба да се плаќаат доколку Собранието не ги донесе законите и законските измени за 60 часовна работна недела, смета Миле Лефков од ВМРО-ДПМНЕ.
– Токму Дарко Каевски ја убедуваше јавноста дека договорот со „Бехтел и Енка” само што ќе биде објавен и токму поради тие изјави кои беа демантирани од првиот вицепремиер Артан Груби се создава мислење во јавноста дека овој стратешки проект кој треба да чини скоро 2 милијарди евра односно 1,3 милијарди со 600-800-тини милиони за експропријација предвидени им се отстапени на ДУИ како некое пазарење – изјави Лефков во вечерашното гостување во емисијата „24 Анализа” на Телевизија 24.
Тој посочи дека со необјавувањето на договорот нема транспарентност.
Лефков е дециден дека власта настапува со истата реторика како со скриените деловни договори кои беа употребени кога требаше да се набавуваат вакцини од Кина.
