Леандро Матиас де Новајес, адвокат од Бразил, бил погоден од сопствениот пиштол кој се активирал поради магнетната резонанца во болничката соба во која тој влегол. Леандро ја носел мајка му на преглед и не ги послушал советите да ги извади сите метални предмети од себе пред да влезе, пишува Њујорк Пост.
Куршумот го погодил во стомакот. Не е познато зошто Леандро не го симнал пиштолот, но се знае дека тој бил активист за правото на носење оружје и бил гласен во врска со тоа на Инстаграм и на ТикТок. Имал 12.000 следбеници. Болничарите велат дека тој не спомнал дека носи пиштол.
Бразилската полиција потврдила дека оружјето е регистрирано, а адвокатот имал важечка дозвола.
