Северноатлантската алијанса ја премина границата на секаква пристојност, дозволувајќи си да дава изјави за можноста за превентивни напади на руска територија, изјави шефот на руската дипломатија Сергеј Лавров на состанок на шефовите на безбедносните агенции на државите на ЗНД, пренесе Тасс.
– Шефот на воениот комитет на НАТО отворено рече дека, за да се постигнат целите за заштита и одбрана на земјите-членки на НАТО, треба да се извршат превентивни напади врз цели во Русија кои, според мислењето на НАТО, можат да предизвикаат закана за земјите-членки на Алијансата, мислам дека нема ништо лошо во тоа да се коментира, тие ја преминаа границата на пристојноста и веќе јавно ги кажуваат своите вистински намери – рече Лавров.
Претходно, на конференција во Центарот за европска политика во Брисел, шефот на Воениот комитет на НАТО, Роб Бауер, повика на производство на повеќе оружје за да се извршат прецизни удари длабоко во Руската Федерација во случај на конфликт.
Во меѓувреме, високиот руски безбедносен функционер Дмитриј Медведев рече дека доколку Западот испорача нуклеарно оружје на Украина, Москва би можела да смета дека таквото пренесување е еднакво на напад врз Русија, што ќе обезбеди основа за нуклеарен одговор.
– Американските политичари и новинари сериозно разговараат за последиците од трансферот на нуклеарното оружје во Киев – рече Медведев.
