Министер за надворешни работи на Русија, Сергеј Лавров ги обвини западните земји дека водат „тотална војна“ против Русија и рускиот народ и култура.
– Западните земји ја укинуваат Русија и сè што е поврзано со Русија, тоа вклучува забрана на руски писатели, композитори и други важни културни личности – рече Лавров.
Тој додаде дека таква ситуација ќе биде присутна уште долго.
– Западот ни објави тотална војна нам, на целиот руски свет. Културата на укинување на Русија и се што е поврзано со нашата земја веќе води кон апсурдни ситуации. САД и нивните сателити ги удвојуваат, тројно, четирикратно ги зголемуваат своите напори против нашата земја користејќи „широк опсег на средства, од еднострани економски санкции до лажна пропаганда во глобалниот медиумски простор. Во многу западни земји, секојдневната русофобија стана втора природа. Тоа е без преседан. На наше големо жалење, таквото однесување е поддржано и охрабрено од владите на многу земји – рече Лавров.
