Воените авиони Ф-16 испорачани на Украина ќе се сметаат за „нуклеарна“ закана од Москва, предупреди рускиот министер за надворешни работи Сергеј Лавров.
Самиот факт дека украинските вооружени сили имаат такви системи ќе се смета за закана за Западот во нуклеарна смисла“, изјави Лавров во интервју за онлајн весникот Лента.ру, објави руското Министерство за надворешни работи.
„Русија не може да ја игнорира способноста на овие авиони да носат нуклеарни боеви глави“, рече тој, уверувајќи дека Москва ги предупредила САД, Обединетото Кралство и Франција за тоа.
„САД и нивните сателити во НАТО создаваат ризици од директен вооружен конфликт со Русија, а тоа може да има катастрофални последици“, предупреди тој.
Во мај, САД одобрија испорака на авиони Ф-16 во Киев. Датумот на испорака и нивниот број се уште не се утврдени.
Украина во вторникот соопшти дека ќе биде формирана „коалиција“ од 11 земји кои ќе ги обучуваат нејзините пилоти за авионот.
Руската нуклеарна доктрина предвидува „строго одбранбена“ употреба на атомско оружје во случај на напад врз Русија со оружје за масовно уништување или напад со конвенционално оружје „што го загрозува самиот опстанок на земјата“.
