Европската централна банка останува на пат да ги намали каматните стапки во блиска иднина, изјави претседателката на Банката Кристин Лагард.
Таа рече дека ЕЦБ „многу внимателно“ ќе ги следи цените на нафтата во услови на зголемени стравувања од прелевање од конфликтот на Блискиот Исток. Сепак, додаде таа, по воздушниот напад на Иран врз Израел во текот на викендот дека реакцијата на цената на нафтата била „релативно умерена“.
Нејзиниот коментар доаѓа по нејасната изјава на ЕЦБ дека на состанокот во јуни може да започне со намалување на каматните стапки.
– Набљудуваме дезинфлациски процес кој се движи во согласност со нашите очекувања. Мораме само да изградиме малку поголема доверба во процесот на дезинфлација, но ако се оди според нашите очекувања, ако немаме голем шок во развојот, се движиме кон моментот кога треба да ја олесниме рестриктивната монетарна политика. Како што реков, без развој на дополнителен шок, ќе биде време да се олесни рестриктивната монетарна политика на разумно краток рок- изјави Кристин Лагард на маргините на пролетните состаноци на ММФ.
