Министерството за одбрана на Украина повлече одредена серија мини со калибар 120 милиметри од употреба и најави дека во иднина ќе мора да се потпира на увезената муниција.
Украинското Министерство за одбрана иницира истрага откако изминатите три недели само една од 10 минофрлачки мини со калибар 120 милиметри, произведени во Украина, била исправна.
Прелиминарната истрага покажа дека најверојатни причини за тоа се лошиот квалитет на барутното полнење или непочитувањето на правилата за складирање муниција.
Поради тоа Украина најверојатно ќе мора да повлече над 100.000 мини од домашно производство.
Државното обвинителство на Украина иницира кривични постапки и најави санкции за одговорните лица. Обвинителството најави и построги контроли на производството и на условите за складирање на муницијата.
