Косовскиот премиер Албин Курти изјави дека многу земји од Европската унија го занемариле растот на воената соработка меѓу Русија и Србија и дека Кремљ се обидува да ја искористи Србија „како нејзин застапник за дестабилизација на Балканот“.
„Таа (Србија) купува воена опрема од Русија. Од 14 борбени авиони МИГ-29 што ги имаат, осум се донации од Белорусија, а шест од Руската Федерација. „Има зголемување на воената соработка меѓу Белград и Москва, а како што гледаме во Украина, целото оружје што е купено не е само за паради, туку и за војни“, изјави Курти за португалската РТП.
Тој додаде дека „воената опрема е подготвителна фаза за воената машина“, пренесува Косово онлајн.
Курти исто така истакна дека Косово треба да се приклучи на НАТО и ЕУ.
