Курдските милитанти привремено ги прекинуваат операциите во Туркије поради големиот земјотрес во земјата и во соседна Сирија, изјави лидер на ПКК.
– Ги запираме операциите во Турција, во градовите. Решивме да не спроведуваме никаква операција се додека турската држава не нè напаѓа. Земјотресот предизвика огромна катастрофа. Илјадници наши луѓе се под урнатините. Секој мора да се мобилизира – рече водачот Џемил Бајик цитиран од АНФ, новинска агенција блиска до Курдистанската работничка партија.
ПКК води повеќедецениски бунт против турската држава во кој загинаа десетици илјади цивили и безбедносни лица.
Во декември лани бомба погоди оклопно полициско комбе во југоисточна Туркије, при што беа повредени деветмина. Еден месец подоцна, во бомбашки напад во Истанбул загинаа шест лица за кои Анкара ја обвини ПКК.
