Доколку не успеавте навреме да го направите празничниот шопинг и сакате да ги расположите вашите најблиски во последен момент, треба да внимавате на некои работи бидејќи измамниците демнат насекаде. Божиќ е само неколку дена, а експертите ги предупредуваат купувачите да бидат дополнително внимателни кога ќе видат зделки кои изгледаат премногу добри за да бидат вистинити – затоа што веројатно не се. Има зголемување на компјутерскиот криминал во последните неколку недели и тој сигурно нема да престане наскоро.
Со празниците веднаш зад аголот, очајните купувачи ќе бидат повеќе склони да кликнат на врските на кои треба да купуваат и да купуваат преку сајтови кои се малку сомнителни. Клиентите треба да бидат свесни дека ќе наидат на еден куп т.н фишинг и слични измами, изјави за Cnet Курт Баумгартнер, главен истражувач за безбедност во Kaspersky Cyber Security.
Тој објаснува дека ова е само игра со бројки за измамниците и дека се подготвени напорно да работат за тоа. Податоците на компанијата за сајбер безбедност Bitdefender покажуваат дека во периодот од 6 до 9 декември се зголемил бројот на спам пораки поврзани со празниците.
Ваквите мејлови се фокусираа на типични празнични теми, нудејќи лажни анкети, попусти и наградни игри. Измамниците се претставувале како популарни брендови како што е Netflix и на клиентите им нуделе поевтини услуги и картички за награди во замена за приватни финансиски информации, покажуваат податоците од Bitdefender.
Покрај фишинг-мејловите, измамниците се обиделе да дојдат до жртвите и преку СМС пораки (smishing) и реклами објавени на социјалните мрежи. Овие типови на напади имаат поголеми шанси да ги заобиколат антивирусните програми.
Ова не е ништо ново, но клиентите треба да бидат дополнително внимателни бидејќи оние кои се во брзање за време на празниците помалку ќе размислуваат и ќе обрнат помалку внимание на таквите работи за време на празничната сезона.
Совети за безбедно купување
Баумгартнер понуди неколку совети кои можат да им помогнат на купувачите безбедно да ги направат своите празнични пазари.
Ако изгледа премногу добро за да биде вистина, веројатно е. Застанете и размислете внимателно. Размислете дали таа понуда ќе изгледа реално во јануари по Божиќ.
Користете добра антивирусна програма која ќе ве предупреди за спам и ќе ве заштити од малициозен софтвер.
Исто така, користете управувач со лозинки кој автоматски нема да ги пополнува вашето корисничко име и лозинка ако мисли дека сте на сомнителна страница.
Користете кредитна картичка наместо дебитна бидејќи ако ве измамат, компаниите за кредитни картички можат да ви помогнат.
Не купувајте картички за подарок преку Интернет. Секогаш е подобро тоа да се прави во живо на продажното место.
