Една граѓанка на социјалните мрежи објави што доживеала откако купила пилешко на Рибниот пазар во Нови Сад, Србија.
Таа на социјалните мрежи објави фотографија од пилешко филе кое нејзината ќерка го купила на Рибниот пазар од продавачот од кој секогаш купува. Но, кога исекла парче месо, се изненадила од она што го видела внатре.
„Ќерка ми купи пилешко денес на Рибниот пазар од регистриран продавач, каде што секогаш купува. Да го пресече, кога. Дали некој знае што е ова?! Што ни прават овие луѓе?!“, напиша таа на Твитер со приложената фотографија која предизвика реакции кај многу корисници.
На прв поглед изгледа како некакво полнење на филето, но еден корисник на социјалните мрежи објасни дека се работи за болест на зелените мускули поради пребрзо дебелеење. Тој додаде дека месото е неисправно бидејќи е инфекција и дека мора да се врати и да се пријави на увид, пренесува Нова.рс.
Други забележаа дека оваа состојба на месото може да се појави и кога месото постојано се одмрзнува и замрзнува.
„Ако белото месо од пилешкото е зелено внатре, тоа укажува на присуство на бактерии Pseudomonas fluorescens во месото. Оваа бактерија може да се појави кога месото се чува долго време на температури меѓу 4°C и 10°C или ако месото не се чува на доволно ниски температури…“, напишал еден следбеник во коментарите.
