Со влезот во четврт-финалето ја постигнавме минималната цел, главната цел е да го освоиме Европското првенство, изјави германскиот фудбалски репрезентативец Тони Крос пред натпреварот против Шпанија во петок од 18 часот.
Тој натпревар ќе се одигра во Штутгарт и заедно со натпреварот меѓу Франција и Португалија може да се нарече дерби-преглед на оваа фаза од ЕУРО. Домашната селекција Германија ќе игра против ривал кој според многумина оставил најдобар впечаток на шампионатот досега.
„Ќе повторам уште еднаш, ова лето ги играм последните натпревари на фудбалските терени. Но, верувам дека овој петок нема да се случи крајот. Како и сите во репрезентацијата, верувам во победа против силната Шпанија. Нашата желба е голема. Гледаме исклучиво кон самиот крај, кон конечниот триумф. Мислам дека сме способни за тоа, без разлика кој ќе ни биде на патот“, потенцира Крос, кој во кариерата за германската репрезентација одигра 113 натпревари и постигна 17 гола.
Германија во осминафиналето ја совлада Данска со 2-0, додека во групата беше подобра од Шкотска со 5-1 и Унгарија со 2-0, додека единствениот меч без победа и беше ремито од 1-1 против Швајцарија.
