Кривичниот случај во Русија против водачот на платеничката група Вагнер, Евгениј Пригожин за бунт останува отворен, а истрагата сѐ уште е во тек, објавија во понеделникот весникот „Комерсант“ и трите големи руски новински агенции, цитирајќи неидентификувани извори.
Според изворите на весникот, немало доволно време да се сопре постапката. Трите главни руски новински агенции, ТАСС, РИА и Интерфакс, исто така објавија дека случајот против Пригожин останува отворен и дека истрагата продолжува.
Според руските закони, затворската казна за вакво кривично дело е од 12 до 20 години.
Го барал Путин, но Путин не сакал да зборува
Според рускиот независен портал Медуза, но и американскиот Институт за истражување на војната ИСВ, Пригожин се обидел да стапи во контакт со администрацијата на рускиот претседател во саботата околу пладне, но Путин одбил каков било контакт со одметникот моќник.
Сепак, шефот на Вагнер очигледно се налутил кога сфатил дека не ја добил поддршката што ја очекувал и многу брзо започнал преговори со Лукашенко, Ваин и со Гризлов.
Пригожин, исто така, испаничил поради фактот дека неговите војници убиле пилоти и воздухопловци на руската војска и се плашел дека Путин ќе го смета за одговорен за тој чин.
Внимавај пред отворени прозорци
Поранешниот дирктор на американската Централна разузнавачка агенција (ЦИА) генерал Дејвид Петреус го предупреди Евгениј Пригожин „да биде многу внимателен пред отворени прозорци“.
Многу челници на Западот го коментираа неуспешниот бунт на Пригожин во саботата.
Генерал Петреус во изјавата за Си-ен-ен алудира на одреден број Руси кои загинаа под неразјаснети околности, вклучително и откако паднале од прозорците, откако Русија ја нападна Украина во февруари 2022 година.
Чудовиштето работи против својот творец
Германската министерка за надворешни работи Аналена Бербок денеска изјави дека неодамнешните настани во Русија покажуваат огромни пукнатини во политичката сфера на Русија,
Жозеп Борел, високиот претставник за надворешни работи на ЕУ на состанок на министрите на земјите-членки рече дека нестабилноста во нуклеарна Русија не добра работа.
– Чудовиштето работи против својот творец, политичкиот систем покажува кревкост, а воената моќ пука – изјави Борел.
Albanian
English
Macedonian
Turkish
