Вонредните инспекциски контроли за почитување на прописите од областа на безбедност и здравје при работа и работните односи утврдиле дека не се превземени соодветни мерки.
Државниот инспекторат за труд утврди неправилности кај фармата во Амзабегово, светиниколско каде на 8 јануари на лице место од труење од хемиска супстанца почина 45-годишен работник, а неговиот 53-годишен колега, кој притрчал да му помогне е со оштетување на мозокот.
Во соопштението се вели дека трагедијата се случила кај шахта од отворен тип која се наоѓа на отворен простор до Лагуната и Хала 1 во состав на фармата и е дел од систем за добивање и пренос на течно ѓубриво за земјоделски потреби.
Вонредните инспекциски контроли за почитување на прописите од областа на безбедност и здравје при работа и работните односи утврдиле дека не се превземени соодветни мерки.
– Работодавачот дозволил пристап на ангажираните работници О.Т. и С.Ј. на работни места на кои биле изложени на сериозни и специфични опасности, а притоа не добиле посебни упатства за работа, во работниот простор не биле поставени знаци за опасност, предупредување и знаци за задолжително однесување
– Работодавачот не изготвил и спровел изјава за безбедност со спроведување на постапка за Проценка на ризик на работните место помошник мајстор на кое работел сега починатиот работник О.Т. и на работното место општ работник на кое работел повредениот работник С.Ј.
– Работодавачот не обезбедил соодветна обука од областа на безбедност и здравје при работа врз основа на програма за специфичноста на работните места помошник мајстор и општ работник
– Работодавачот не обезбедил соодветна лична заштитна опрема за двајцата повредени работници
„Врз основа на утврдената фактичка состојба од страна на Државните инспектори за труд ќе биде поднесена кривична пријава до надлежното Основно јавно обвинителство за понатамошно постапување“, се вели во соопштението.
