Руската воздушна одбрана собори украинско беспилотно летало, тврди Москва.Руското Министерство за одбрана соопшти дека дронот се урнал во неделата во градот Киреевск, на околу 400 километри од украинската граница.
Руските државни медиуми јавија дека најмалку три лица се повредени во експлозијата откако таа паднала.
Руските власти тврдат дека дронот Ту-141 „Стриж“ бил наполнет со експлозив. Понатаму, тие тврдат дека бил соборен во 15:20 часот по локално време и дека предизвикал голем кратер во срцето на градот.
Наводно, неколку станови биле оштетени во градот лоциран во областа Тула, 220 километри јужно од Москва, но нема сериозни повредени.
Во соопштението на својот канал Телеграм, руското Министерство за одбрана ја обвини Украина за обид за напад.
Украина ги отфрли претходните тврдења дека нападнала руски цивилни цели со експлозивни дронови и сè уште не го коментираше инцидентот.
Од друга страна, Москва користи стотици дронови против Украина.
Albanian
English
Macedonian
Turkish
