Британската кралица Камила следеше тенискиот меч на гранс слем турнирот на Вимблдон со нејзината сестра Анабел Елиот. Тоа беше прво појавување на кралицата во свечената ложа на Вимблдон откако беше крунисана, но тенисот очигледно, не и е многу омилен.
Камила на натпреварот пристигнала прилично расположена, но судејќи по фотографиите, на кралицата набрзо и станало малку здодевно.
Фотографиите на кралицата брзо се проширија на социјалните мрежи, а еден експерт за говор на телото за Express.co.uk изјавил дека Камила имала „претерани изрази на лицето“ со кои, како што вели, изразувала гадење.
Инаку, сестрата на кралицата Анабел се занимава со внатрешен дизајн и антиквитети. Анабел со овој бизнис успешно се занимава веќе 30 години и дури беше прогласена и за петти највлијателен дизајнер на ентериер во Британија во 2014 година.
Потсетуваме дека на почетокот на мај во Лондон беше крунисан кралот Чарлс Трети и кралицата Камила. Од денот на крунисувањето, Камила повеќе не ја користи титулата сопруга кралица и стана само – кралица. Но важно е да се напомене дека ејзината титула кралица не е иста со титулата што ја носеше Елизабета Втора, која беше владетелка монарх.
