Британската кралица Елизабета (95) во пораката по повод Денот на Комонвелтот, нагласи дека нејзиниот живот секогаш ќе биде посветен на службата, откако беше принудена да ја откаже посетата на годишната миса по повод овој ден.
Елизабета, најстарата и најдолготрајната кралица на светот, чие здравје почна да предизвикува загриженост, во петокот објави дека ќе отсуствува од мисата на Денот на Комонвелтот во лондонската Вестминстерска опатија, на која кралското семејство присуствуваше речиси 50 години.
Бакингемската палата соопшти дека кралицата ќе ја претставува нејзиниот син и престолонаследникот Чарлс. Одлуката не е поврзана со некоја болест, туку поради загриженост дека кралицата ќе го издржи патувањето од нејзиниот дом во замокот Виндзор до западен Лондон.
– Во годината на мојот платинест јубилеј, ми беше дадено задоволството да го обновам моето ветување од 1947 година дека мојот живот секогаш ќе биде посветен на службата – наведе таа во пораката до Комонвелтот, организација од 54 нации, главно поранешни британски колонии.
