Земјава ги изгуби парите од кредитот од 100 милиони евра од ЕБРД наменети за ЕСМ за надминување на енергетската криза, бидејќи тој кредит беше блокиран од опозицијата во собранието, изјави денека премиерот Димитар Ковачевски одговарајќи на новинарско прашање.
Кредитот бeше наменет за поддршка на ликвидноста на компанијата во справувањето со енергетската криза.
-Тие финансиски средства Банката ги пренамени за друга намена, а ние изгубивме евтини пари поради противењето на опозицијата. Причината апсолутно е невистините бидејќи наведуваат дека согласно со националната енергетска стратегија е предивдено сукцесивно да се затвораат старите енргетски капацитети кои користат фосилни горива – рече Ковачевски.
Тој појасни дека и на лидерската средба информирал дека затворањето на РЕК Битола и РЕК Осломеј е планирано со националната енергетска стратегија подготвена пред војната.
-Но, состојбата се промени и оваа стратегија многу скоро ќе биде ревидирана согласно со новите рокови за затворање на ваквите енергетски капацитети во Европа – рече Ковачевски.
Тој информира дека дополнително се обезбедени пари од Дојче банк, Есте банк и ММФ и Светска банка кои ќе бидат искористени за надминување на енергетската криза.
