Ковачевски ќе се сретне со Борис Џонсон и со лидери од Балканот

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Претседателот на Владата Димитар Ковачевски од денеска во наредните два дена ќе ја предводи владината делегација на Инвестицискиот Самит на Европската банка за обнова и развој (ЕБОР) за Западен Балкан којашто ќе се одржи во Лондон.

Премиерот Ковачевски заедно со заменик-претседателот задолжен за економски прашања Фатмир Битиќи и министерот за финансии Фатмир Бесими за време на самитот, покрај учеството на пленарната сесија на самитот со која ќе претседава претседателката на ЕБОР, Одил Рено-Басо, ќе остварат и повеќе други работни средби со високи претставници на банката.

„За време на Инвестицискиот Самит на Европската банка за обнова и развој за Западен Балкан којшто ќе се одржи во Лондон, Ковачевски е предвидено да се сретне и со високи претставници на ЕУ, како и да оствари повеќе билатерални средби со лидерите на земјите од Западен Балкан“, соопшти прес-службата на Владата.

Како дел од агендата на самитот, додаваат, Ковачевски, заедно со лидерите на земјите од Западен Балкан учесници на самитот на ЕБОР, ќе одржи средба со премиерот на Обединетото Кралство Борис Џонсон.

„Во рамките на посетата на Лондон, премиерот Ковачевски и членовите на делегацијата на Северна Македонија предвидено е да остварат и други средби во организација на Министерството за надворешни работи на Обединетото Кралство“, наведува владината прес-служба.

Share This Article