Премиерот Димитар Ковачевски и лидерот на ВМРО-ДПМНЕ Христијан Мицкоски, по неколкудневни меѓусебни препукувања преку медиумите, утре ќе се сретнат во Владата за да разговараат за ублажување на ударот од енергетската криза.
Маја Кадиевска, член на ИК на ВМРО-ДПМНЕ, во емисијата „24 анализа“ рече дека е прифатена поканата за утрешната средба со премиерот Димитар Ковачевски.
– Утре има средба со премиерот Ковачевски и економскиот тим на Мицкоски со уште неколку од нас кои работиме на економската тема и кризата. Се понудивме како партија и критиките беа насочени за решавање на кризата и затоа ги нудиме нашите ресурси. Концептот на Мицкоски е издржан предлог за кој ќе биде запознаен и премиерот. Треба да седнеме на маса опозицијата и владата и состанокот ќе биде во Владата – рече Кадиевска.
