Актерката Кортни Кокс доби ѕвезда на Булеварот на славните во Холивуд.
Кокс (58), која светската слава ја стекна со улогата на Моника во еден од најпопуларните ситкоми на сите времиња, „Пријатели“, стана 2.750-та личност на оваа чест.
Според Дејли Мејл, актерката ја поддржале пријателите и колегите од „Пријатели“, Џенифер Анистон (Рејчел) и Лиза Кудроу (Фиби), како и нејзиниот долгогодишен партнер Џони Мекдејд и ќерката Коко Аркет.
„Чест ни е да зборуваме во ваше име денес, како ваши колеги, пријатели, семејство и сестри. И сето тоа се случи бидејќи се знаеме долги години“, изјави Џенифер Анистон.
Лиза Кудроу додаде дека се познаваат повеќе од 30 години.
Кортни во својот говор им се заблагодари на пријателите.
„Не можам да верувам дека сите мои пријатели се тука. Тоа е прекрасно чувство“, изјави актерката.
