Кормак Рот, 25-годишен музичар и син на актерот Тим Рот, починал на 16 октомври од ракот, објави денеска неговото семејство.
„Тој беше дива и електрична топка на енергија и неговиот дух беше исполнет со светлина и добрина. Колку што беше див, Кормак беше и олицетворение на добрината. Нежна душа која донесе толку многу среќа и надеж за оние околу него. Тагата доаѓа во бранови, како и солзите и смеата, кога ќе помислиме на тоа прекрасно момче низ 25 години и 10 месеци колку што го познававме. Незадржливо и радосно и диво и прекрасно дете. Го сакаме. Ќе го носиме со нас каде и да одиме“, се наведува во соопштението на неговото семејство.
Дипломиран на колеџот Бенингтон, Рот беше талентиран гитарист, композитор и продуцент. Тој на својот Инстаграм профил објави дека му бил дијагностициран рак на герминативните клетки во стадиум 3 во ноември 2021 година.
„Тоа ми одзеде половина од слухот, 60 килограми тежина, мојата самодоверба и ќе продолжи со својот убиствен пат додека не успеам да го запрам некако и да го убијам. Но, тоа не ми ја одзеде волјата да преживеам, ниту љубовта да правам музика. Животот е краток. Тоа е хаос. И никогаш не знаеш кога ќе бидеш ти“, напиша лани младиот музичар.
