Иако се користи во исхраната и медицината со илјадници години поради неговите лековити својства, куркумата може негативно да влијае на здравјето на црниот дроб.
Научниците спровеле студија, во текот на десет години, во која откриле 16 случаи на оштетување на црниот дроб поврзани со куркума. Штетата била од умерена до тешка, па пет лица се хоспитализирани поради оштетување на црниот дроб, пишува Eatthis.
Покрај оваа студија, имало уште неколку случаи кај возрасните каде што консумирањето куркума предизвикало оштетување на црниот дроб.
Експертите велат дека резултатите од истражувањето се значајни, но потребни се дополнителни истражувања за да се утврди зошто куркумата ги предизвикува овие здравствени проблеми.
Меѓутоа, ако често користите куркума во готвењето или редовно земате додатоци од куркума, експертите препорачуваат да разговарате со вашиот лекар.
