Швајцарскиот производител на часовници „Ролекс“ (Rolex) сака да профитира од големата побарувачка и ниската понуда на пазарот и почна да нуди половни часовници во својот водечки бутик во Женева.
Бутикот моментално нема нови часовници на залиха, но се нудат таканаречени „сертифицирани половни часовници“. Цената на овие часовници е повисока и од новите. На пример, платинестата Daytona од 2020 година, со светло сино бројчаник и кафена керамичка рамка, се продава за 74.400 швајцарски франци нова, но е недостапна и може да се купи половна за 110.000 франци.
Претставниците на компанијата од Женева изјавија дека програмата има цел на клиентите да им даде „можност да купат официјални половни часовници, а истовремено да имаат корист од квалитетот и извонредноста својствени за брендот“.
Таксата за автентикација на часовниците е дел од цената и изнесува околу 10-15% од продажната цена.
Според Deloitte, пазарот на половни луксузни часовници се очекува да порасне на 35 милијарди долари до 2030 година.
Rolex е убедливо најголемиот швајцарски бренд за часовници, кој произведува повеќе од милион часовници годишно.
Побарувачката за повеќето нови модели на Rolex продолжува да ја надминува понудата.
