Од земјите на Европската унија, најмногу руски гас купуваат Франција, Унгарија и Шпанија. Тие сочинуваат повеќе од половина од вкупниот увоз од Русија, покажуваат податоците на статистичката агенција на ЕУ Евростат.
Според податоците на Евростат, Русија за осум месеци годинава испорачала гас во ЕУ во вредност од 9 милијарди евра. Преку гасоводите е увезен гас во вредност од 4,6 милијарди евра, а како течен гас во вредност од 4,4 милијарди евра.
Франција станала главен купувач, зголемувајќи го увозот за 30% на 1,9 милијарди евра. Унгарија падна на второто место, откако ги намали своите набавки за речиси една третина – на 1,6 милијарди евра. Шпанија се најде на третото место со увоз вреден 1,4 милијарди евра.
Други големи купувачи се Италија (1,3 милијарди евра), Грција (919 милиони), Словачка (800 милиони) и Белгија (709 милиони).
Во исто време, увозот најмногу се зголемил во Литванија – дополнителни 41% и Финска – 36%, иако купиле многу мали количини – од 1,8 милиони долари и 44,3 милиони долари.
