Во овогодинешниот Глобален пензионерски индекс на инвестициската банка Натиксис, се наведува дека најдобра земја за стареење е Норвешка.
Оваа скандинавска земја е најдобра за пензионерите. Рангирањето опфати 44 земји ширум светот, а беа оценети фактори како што се здравјето, финансиите во пензија, квалитетот на животот и материјалната благосостојба во староста.
После тоа, беше доделена индексна оценка, при што 100 поени беа најдобриот можен резултат. Норвешка собра вкупно 81 бод, според Статиста.
Извор: Statista/скриншот
Исланд имаше најголем пад оваа година и се најде на третото место во 2022 година со вкупно 79 поени. Минатата година оваа островска земја имаше уште четири бода и беше на првото место во рангирањето.
И покрај загубата на бодови во однос на лани, Швајцарија и натаму е втора со 80 бодови. САД не се ни во првата десетка – со само 69 бодови се на 18. место.
На четвртото место е Ирска со 76 бодови, додека Австралија, Нов Зеланд, Луксембург и Холандија имаат по 75 бодови.
