Додека Франција се подготвува да ја одбележи 80-годишнината од слетувањето на сојузничките сили на бреговите на Нормандија, историските плажи се соочуваат со нова закана – зголемување на нивото на морето поврзано со климатските промени.
На повеќе од 100 километри од брегот на Нормандија, видливи се траги од 6 јуни 1944 година, вклучувајќи бункери, бродоломи и други остатоци од најголемата поморска инвазија во историјата.
Но сега им се заканува морето.
Зголемувањето на нивото на морето ги еродира дините и карпите и ги загрозува местата што ги посетуваат милиони секоја година со нивно потопување.
Познатите плажи со кодно име Јута, Омаха, Јуно, Сворд и Голд се драстично променети за 80 години.
Локациите на Денот Д „веќе малку наликуваат на она што го доживеаја сојузничките војници на 6 јуни 1944 година“, рече географот и конзерватор Реџис Лејмари.
И промените доаѓаат брзо.
Глобално зголемените температури на морето го забрзуваат топењето на поларните ледени капи и го зголемуваат нивото на морето, што претставува закана за крајбрежните заедници во Нормандија.
Животната средина ќе се трансформира за десет години“, рече Лејмари.
Промените се веќе присутни некаде.
Во Греј-сур-Мер, село до плажата Јуно, морето уништило цели бункери, па локалното население стравува дека нивната историја ќе ја зафати плимата и осеката.
Шарл де Валавије, градоначалник на Сен Мари-ду-Мон и директор на Музејот на плажата Јута, исто така е загрижен.
Де Валавиј се присети како беше кога поранешните војници се вратија во Нормандија на годишнините од слетувањето.
„Ги видов ветераните како мавтаат кон морето, плачат… беа обземени од емоции на тие плажи“, рече Де Валавије.
Локациите треба да бидат заштитени, но има ограничувања за активностите што локалните лидери можат да ги преземат.
„Тоа е проблем што го зафаќа целиот брег, ако заштитите едно место водата ќе оди на друго место.
Лејмари смета дека единствено нешто што останува е да се прилагоди на претстојните промени.
Во моментов нивото на морето се зголемува за неколку милиметри годишно.
„Само по две или три генерации стануваме свесни за тоа“, рече тој.
„Местовите за слетување на Денот Д, какви што ги знаеме, привршуваат“, рече Лејмари.
„Природата ќе го врати своето право.
