Кивито е едно од најпопуларните егзотични овошја во зимскиот период, меѓу другото и поради количеството витамин Ц што ни е потребно за борба против разни вируси, но се чини дека многумина од нас го консумираат „погрешно“.
Ако сте меѓу оние кои ја лупат кората од ова овошје и ја јадат неговата внатрешност, сте го пропуштиле главниот извор на корисни материи за вашето тело. Излегува дека киви има и други придобивки за телото.
Д-р Каран Раџ, кој може да се пофали со неверојатни пет милиони следбеници на TikTok, каде што споделува различни совети за својата публика, во своето последно видео објасни како лушпите од киви се всушност супер корисни за варење.
„Природата е прилично паметна – кората на повеќето овошја има нерастворливи влакна кои делуваат како гребла и го чистат целиот измет од вашите црева“, рече тој во видеото кое беше „лајкувано“ повеќе од 100 илјади пати за само 24 часа.
Тој понатаму објаснува дека внатрешноста на кивито содржи растворливи влакна, но ако јадеме киви со кора, ќе добиеме и нерастворливи и растворливи влакна, што е идеално.
Според Healthline, јадењето две киви дневно, заедно со кората, може да помогне при запек, бидејќи двата вида влакна што ги содржат можат да го намалат времето потребно за храната да помине низ нашиот дигестивен систем.
„Кивито не е само супер корисно за нашите црева – малите плодови се исклучително богати со витамин Ц, а кивито обезбедува преку 80 проценти од нашите просечни дневни потреби за витамин Ц“, се наведува во текстот.
д-р. Раџ советува кивито добро да се измие пред да се јаде со кожа.
