Кина и Украина се согласија дека треба да соработуваат за да ја задржат меѓусебната почит и да ја продолжат соработката, соопшти кинеското Министерство за надворешни работи.
Специјалниот претставник на Кина за евроазиски прашања Ли Хуи се сретна со претседателот на Украина Володимир Зеленски, објави Ројтерс.
„Кина отсекогаш играше конструктивна улога во ублажувањето на хуманитарната ситуација во Украина на свој начин и ќе продолжи да и дава помош на Украина во рамките на нејзините капацитети“, се вели во соопштението по средбата.
Кина, која се претставува како неутрален соговорник во конфликтот во Украина, и покрај нејзината блискост со Русија, во февруари објави дека предложила документ од 12 точки во кој е наведен нејзиниот став за конфликтот. Во тој текст, кој на некој начин се смета за мировен план, Москва и Киев повикуваат на преговори.
Долгоочекуваниот телефонски разговор на крајот на април меѓу кинескиот претседател Си Џинпинг и неговиот украински колега Володимир Зеленски, прв од почетокот на руската офанзива врз Украина на 24 февруари 2022 година, поттикна надежи за пробив во тие мировни преговори.
