Кина денеска го критикуваше новиот пакет американска воена помош за Тајван, велејќи дека тоа го става островот во „опасна ситуација“.
Американскиот Сенат синоќа одобри воена помош од 95 милијарди долари за Украина, Израел и Тајван по неколку месеци одложување и дебата за тоа колку САД треба да бидат вклучени во странски војни.
Од тоа, осум милијарди долари беа наменети за Тајван, со цел да се спротивстави на кинеската закана од инвазија.
Кина смета дека Тајван, кој прогласи независност, е дел од нејзината територија и се закани дека таа позиција ќе ја брани со сила доколку е потребно.
Кинеската Тајванска канцеларија соопшти дека помошта „сериозно ги прекршува“ обврските на САД кон Кина и „испраќа погрешен сигнал до тајванските сепаратистички сили“.
Портпаролот на канцеларијата Жу Фенглијан додаде дека владејачката Демократска напредна партија на Тајван е „подготвена да стане пион за надворешните сили“ што Тајван ги користи за да се справи со Кина, ставајќи го островот во „опасна ситуација“.
