Американската старлета Ким Кардашијан повторно го привлече вниманието со тоа што позираше топлес во новата кампања на нејзиниот бренд „СКИМС“.
Со оваа кампања сакала да ги имитира винтиџ рекламите на „Ленџ ски“. На фотографиите позирала облечена во ретро шорцеви, а градите ги покрила само со лизгалки. Старлетата се одлучила за руса боја на коса и винтиџ шминка.
Инаку, „Њујорк тајмс“ објави дека брендот „СКИМС“, според последната проценка, вреди четири милијарди долари. Во 2021 година, магазинот „ВСЈ“ ја прогласи Ким за иноватор на годината.
„СКИМС“ во последно време привлекува многу внимание и добива многу пофалби. Па така, неодамна во нејзината кампања се појавија и неколку познати лица меѓу кои и актерката Ким Катрал, позната по улогата на Саманта во серијата „Сексот и градот“.
Покрај Катрал, во кампањата се појавија и Хари Неф, Нели Фуртадо, Коко Џонс и Лана Кондор.
Ким неодамна беше на мета на критики од страна на обожавателите поради костимот на нејзиниот син Сент за Ноќта на вештерките. Имено, тој се маскирал како „зомби верзија“ на фудбалерот Нејмар, а неговиот другар како Лионел Меси.
Тие биле облечени во искинати дресови и покриени со лажна крв, за што многумина сметале дека е несоодветно во овој момент, додека многу луѓе, особено деца, гинат во војната помеѓу Израел и Појасот Газа.
