Северна Кореја, која има нуклеарно оружје, лансираше сателит во четвртокот.
Ким ги прегледа фотографиите за време на посетата на контролниот центар на Националната администрација за вселенска технологија во Пјонгјанг, објави новинската агенција KCNA.
Фотографиите се направени кога сателитот прелетал над Корејскиот полуостров во петокот наутро. На нив се наоѓаат Сеул и градовите Мокпо, Кунсан, Пјонгтаек и Осан, каде се наоѓаат американските и јужнокорејските бази.
Во друг извештај на KCNA, севернокорејските власти ги критикуваа САД за вооружување на „марионети“ и предупредија дека дури и најмала искра на Корејскиот полуостров ќе резултира со глобална нуклеарна војна.
„САД би било добро да размислат за катастрофалните последици од снабдувањето со оружје на нивните марионети“, наведува агенцијата.
