Мисијата на НАТО на Косово – КФОР соопшти дека спроведува акција за отстранување на одредени возила кои се блокирани на патот на северот на Косово.
„Мисијата на КФОР спроведува инженерски операции на северот на Косово, со цел да се отстранат некои возила блокирани на патот и да се врати слободата на движење во согласност со нејзиниот мандат на ОН“, се вели во соопштението на КФОР на Твитер, пренесува KoSSev.
Од оваа мисија, пак, не беше соопштено за какви блокади станува збор, односно каде се врши отстранување на возилата.
Изјавите на КФОР доаѓаат само неколку дена по отстранувањето на барикадите на северот на Косово.
Србите од северот на Косово ги поставија првите барикади на 10 декември, а до минатата недела ги имаше најмалку 14.
Нивното отстранување започна во четвртокот, односно 20 дена по инсталацијата. Тој ден и наредниот ден беа отстранети најголемиот дел од барикадите, но не и онаа на новиот мост кај Дуда карстот каде, како што дознавме денеска, се уште стојат два запалени камиони.
