Ќерката на поранешен баварски министер беше осудена во Минхен на четири години затвор во врска со продажбата на заштитни маски на државните институции за време на пандемијата на коронавирус.
Андреа Тандлер е осудена на четири години и пет месеци затвор, а нејзиниот деловен партнер на три години и девет месеци затвор за затајување данок.
На почетокот на пандемијата на коронавирус, Тандлер посредуваше во продажбата на заштитни маски меѓу швајцарски трговец и разни државни институции во Баварија, а за тоа наплати провизија во износ од 50 милиони евра, кои не ги пријавила во даночната управа. .
Претседателката на судскиот совет Андреа Вагнер објасни дека пресудата не се однесува на самото посредување и наплатената провизија, туку на непријавен приход и неплатен данок од 7,8 милиони евра.
Воедно, таа укажа на моралната димензија на овој случај, со оглед на тоа што се работи за ќерката на поранешниот баварски министер за внатрешни работи и финансии, Георг Тандлер.
„Секако дека името Тандлер игра голема улога“, рече судијата.
Георг Тандлер, кој имаше висока позиција во владејачката Христијанско-социјална унија (ЦСУ) неколку години, посредуваше во контактите меѓу неговата ќерка и баварското Министерство за здравство.
На почетокот на пандемијата имаше недостиг на заштитни маски, што исто така имаше влијание врз вртоглавото растење на цената.
Судот заклучи дека во тој период „воените профитери и ловци на среќа“ ја искористиле состојбата на државата, која имала потреба, и дека, кога станува збор за договорот што го склучил Андреа Тандлер, тоа е „сомнителна морална идеја“.
Демохристијанските политичари Георг Неслејн и Алфред Саутер исто така беа вклучени во скандалите околу премиите за посредување во продажбата на маски за време на пандемијата, но обвиненијата против нив беа отфрлени.
