Актерката Миа Бјелогрлиќ, ќерка на Драган Бјелогрлиќ, твитна за геноцидот во Сребреница на Денот на меморијата што се слави денес.
Заедно со фотографиите на жртвите, и без никакви коментари – освен денешниот датум и што укажува дека поминале 27 години од ужасното злосторство – напиша Миа Бјелогрлиќ „11.7.1995 година. #Сребреница27“.
Во Меморијалниот центар Сребреница – Поточари денеска беше одбележана 27-годишнината од геноцидот врз Бошњаците извршен од српските сили во јули 1995 година.
На комеморацијата немаше српски претставници, додека премиерот на Црна Гора, Дритан Абазовиќ, предводеше голема делегација на неговата влада во Поточари.
