Ќе се консултирам со адвокат, кусо одговори министерката за енергетика Сања Божиновска на новинарско прашање дали може на увид на јавноста да ѝ стави документ од бугарските власти со кој ќе потврди дека веќе не е бугарска државјанка.
Таа на денешната конференција за печат рече дека исто така ќе се консултира со адвокат во врска со прашањето, дали сè уште има бугарска самосвест.
Божиновска уште пред министерката рече дека во нејзината официјална биографија е јасно наведено дека е македонска државјанка и дека поседува и чешко државјанство.
– Во врска со тврдењата за бугарско државјанство, сакам да нагласам дека не поседувам бугарско државјанство и сите релевантни информации се транспарентно наведени во мојата биографија – одговори Божиновска во јуни.
