Времето денеска во земјава ќе биде променливо облачно и студено, во северните планински делови со провејување на слаб снег. Ќе дува слаб до умерен ветер од северен правец кој вдолж Повардарието ќе засилува.
Минималната температура ќе биде во интервал од -7 до 1, а максималната ќе достигне од 1 до 6 степени.
Во Скопје променливо облачно со умерен до повремено засилен ветер од северен правец. Минималната температура ќе се спушти до -1, а максималната ќе достигне до 5 степени.
Од утре ќе преовладува студено и променливо облачно, повремено ветровито време. Засилен северен ветер ќе дува во вторник и ќе има краткотрајни врнежи претежно од снег, а од четврток врнежите од снег ќе бидат повремени и со умерен интензитет.
Денеска е недела, 29 јануари 2023 година, 29-иот ден во годината. До крајот на годината остануваат 336 дена.
Сонцето во Скопје изгреа во 6 часот и 50 минути, а ќе зајде во 16 часот и 44 минути.
Денов трае 9 часа и 53 минути.
Месечината која е во фаза на млада Месечина, нема да изгрее ова деноноќие, а ќе зајде 43 минути по полноќ.
