Лидерот на Движењето Беса, Билал, Касами за „Нулта зона“ зборуваше за соработката на албанската опозиција во Македонија.
Тој за медиумите во Албанија изјави дека здружената опозиција отсега ќе биде помоќна, а на Демократската унија за интеграција (ДУИ) нема да ѝ биде овозможено да продолжи да владее – пренесуваат весникот „Лајм“ и ТВ 21.
– Со обединувањето за првпат опозицијата ќе биде многу посилна во поглед на пратенички мандати и гласови. Тоа ќе оневозможи ДУИ да продолжи да биде во Владата – рече Касами.
Инаку, предводникот на „огнената група“ во ДУИ, Изет Меџити, вчера најави дека наскоро ќе формира нова политичка партија која уште од старт ќе има тројца пратеници.
