Капитенот на Манчестер јунајтед, Хари Мегваер, ја игра можеби најлошата сезона во својата кариера, а можеби и тоа е причина за дојавата за бомба во неговиот дом.
Полицијата пристигнала попладнево во неговиот дом и направила детална анализа, откако тој ги пријавил заканите.
Мегваер живее со неговата свршеница Ферн Хокинс и со нивните две мали деца.
– Во последните 24 часа, Хери прими сериозни закани кон неговиот семеен дом, кои беа пријавени во полицијата. Безбедноста на неговото семејство е број еден приоритет. Тој ќе се подготвува за следниот меч нормално и нема да коментира дополнително – изјави портпаролот на Мегваер.
