Две српски момчиња, братучедите Стефан Стојановиќ (11) и Милош Стојановиќ (21) се ранети денеска во Готовуша кај Штрпце кога без причина локален Албанец пукал во нив од возило во движење, соопшти Канцеларијата за Косово и Метохија. . Дека се повредени две лица потврди и косовската полиција. Велат дека се надвор од животна опасност, а полицијата врши увид.Како што се наведува во соопштението на Канцеларијата за Косово и Метохија, двајцата во моментот на нападот се движеле покрај патот и носеле новогодишна елка кога напаѓачот отворил оган врз нив.
Тие се здобиле со прострелни рани, едното лице било погодено во раката, а другото во рамото, се додава. Младиот човек и момчето не се во животна опасност.
Тие ќе бидат пренесени во Клиничкиот болнички центар во Грачаница, информираат од Канцеларијата.
„Ваквиот напад е директна последица на антисрпската политика на Аљбин Курти, кој со своето однесување и постапки ги охрабрува сите кои сакаат српска крв, дури и на Божиќ. Бараме итна и одлучна реакција од меѓународната заедница, а Канцеларијата за Косово и Метохија на семејствата и на повредените ќе им ја пружи сета потребна помош“, велат од владината институција.
И директорот на Канцеларијата за Косово и Метохија, Петар Петковиќ, на Твитер објави дека било пукано врз момчињата од српска националност.
Според мештаните, Албанец пукал во децата од возило во движење“, објави Петковиќ на Твитер.
Mладиот човек ја опиша ситуацијата
Во меѓувреме, постариот млад човек кој беше повреден денеска раскажа како се случил денешниот инцидент.
„Излеговме на пат да се сликаме, а после тоа не знам кој автомобил дојде. Испукаа еден куршум и ме погодија во раката“, изјави кусо за ТВ Херц, пренесе КоССев.
Од главната управа на косовската полиција повеќе детали за овој случај. Тие потврдуваат дека денеска од огнено оружје се повредени две лица во регионот на Штрпце, иако не ја наведоа нивната националност.
„Денес, 06.01.2023 г околу 15 часот и 19 минути во полициската станица Штрпац е добиена информација дека во штрпското село Драјковце две лица биле повредени од огнено оружје од непознато лице кое било во патничко возило во движење кое се движело од Штрпац во правец на Урошевац и потоа ги напуштил местата од областа“, наведуваат од косовската полиција.
Оттаму потврдуваат и дека повредените прво биле испратени во Центарот за семејна медицина во Штрпац за укажување лекарска помош, а по укажаната прва помош со возило на Итна медицинска помош биле пренесени на понатамошно лекување во Грачаница.
Според информациите со кои располагаме и двајцата повредени се надвор од животна опасност“, прецизира полицијата.
Посочуваат дека полицијата ги презела сите дејствија во врска со овој случај. На местото на настанот излезе редовната полиција, а потоа полициски истражители и крим-техничари од Регионалниот истражен сектор, по овластување на обвинителот за старателство од ПТХ-Урошевац – кои ја водат истрагата.
