Канада на две канадски технолошки компании, Bluvec Technologies и Pegauni Technology, им нареди да ги прекинат операциите поради загриженост за националната безбедност, соопшти канадското Министерство за иновации.
Одлуката за затворање на компаниите е донесена врз основа на законот што ги регулира странските инвестиции во Канада. Како што образложија од канадското министерство, оваа одлука е донесена по анализа што вклучувала „ригорозен надзор на канадската национална безбедност“.
„Додека Канада продолжува да ги поздравува странските директни инвестиции, ние ќе дејствуваме одлучно кога инвестициите ќе ја загрозат нашата национална безбедност“ – се вели во соопштението.
