Зимскиот преоден рок е се поблиску и поблиску, а многу клубови размислуваат за заминување и доаѓање на играчи, меѓу кои и италијанскиот Јувентус.
Фудбалерот кој би можел да го напушти Јувентус е српскиот напаѓач Душан Влаховиќ. За Јувентус вреди повеќе од 80 милиони евра.
Италијанскиот Calciomercatoweb пренесува дека Влаховиќ би можел да биде во Премиер лигата. Тие пишуваат дека Њукасл би можел да даде понуда за него, но и дека Душан е заинтересиран да чека понуда од клубови како Челзи или Манчестер Јунајтед.
Сезонава Влаховиќ постигна шест гола и забележа една асистенција во Серија А. Вкупно во сезоната за Јувентус постигна седум гола и забележа две асистенции.
