Севернокорејскиот војник кој беше заробен од украинските сили им подлегнал на раните, соопшти денеска јужнокорејската разузнавачка агенција.
„Потврдено е, преку сојузничката разузнавачка агенција, дека севернокорејски војник бил фатен жив на 26 декември, но им подлегнал на повредите“, се вели во соопштението на разузнавачката агенција.
Украинските сили заробиле ранет севернокорејски војник кој се борел на страната на Русија, соопшти претходно јужнокорејската разузнавачка служба.
Ова е првиот познат случај на заробен Севернокореец, откако Киев и Западот соопштија дека Пјонгјанг испраќа војници во Русија, за да се борат во Украина.
